C හා C++ සිංහලෙන්/C සඳහා තුන්වන උදාහරණය

දැන් ඔබ තේරුම් ගන්න ඕනෙ printf() කියන්නෙ ටිකාක් විතර සංකීර්ණ නියෝගයක් කියල. ඒක එහෙම වෙන්න හේතුව එම නියෝගය නිකම්ම වචන තිරයේ දැක්වීමට වඩා දෙයක් කළ හැකි නියෝගයක් වීමයි. ඒවා ගැන අපි පස්සෙ හිමින් හිමින් කතා කරමු.

නිකම්ම වචන තිරයේ දැක්විය හැකි මීට වඩා සරල නියෝගයක් Ubuntu උඩ වැඩ කරන gcc වලත් Windows XP උඩ උඩ කරන MinGW වල gcc වලත් තිබෙනවා. ඒ තමයි puts කියන නියෝගය. මේ නියෝගය වැඩ කරන හැටි ඉගෙන ගැනීම සඳහා පහත දැක්වෙන පරිගණක වැඩ සටහන ටයිප් කර යම් තැනක ගබඩා කර Compile කර Run කරන්න.

#include<stdio.h>

void main()  {
    puts("Hello");
    puts("World");   }

හැබැයි මේ නියෝගයට නම් "\n" යන්න එකතු කරන්න ඕනෙ නෑ ඊළඟ පේළියට පනින්න. ඒක එක වෙනසක්. මේ නියෝගය Text හැර වෙන දේවල් ප්‍රින්ට් කරන්න යොදා ගන්න බෑ. ඒ ඊළඟ වෙනස.

මේ නියෝගය Turbo C++ වල නම් නෑ. නමුත් ඒකෙ වෙන නියෝගයක් තියෙනවා cout<< කියල ඒක තියෙන්නෙ iostream.h කියන Header File එකෙයි. ඕන්න මම ඒ වැඩ සටහනත් දැම්මා.

#include<stdio.h>

void main()  {
    cout<<"Hello\n";
    cout<<"World";   }

Turbo C++ වල "\n" වෙනුවට වෙනම endl කියල ලියන්නත් පුළුවන්.

#include<stdio.h>

void main()  {
    cout<<"Hello"<<endl;
    cout<<"World";   }

මේක ම තනි නියෝගයක් හැටියට ලියන්න පුළුවන්.

#include<stdio.h>

void main()  {
    cout<<"Hello"<<endl<<"World";   }

දැන් යම් වචන කිහිපයක් එකම පේලියෙහි හෝ පේලි කිහිපයක දිස් වීම සඳහා C වලින් ප්‍රෝග්‍රෑම් එකක් ලිවීමේ හැකියාව ඔබට ලැබී තිබෙන්නට ඕනෙ.