"උග්ගල් අලුත්නුවර/මහා පෙරහර මූලාරම්භය" හි සංශෝධන අතර වෙනස්කම්

== '''උග්ගල් අලුත්නුවර රජමහා විහාරයේ සහ දේවාලයේ දෛනික කටයුතු හා වාර්ෂික උත්සව''' ==

 

 

උග්ගල් අලුත්නුවර බෞද්ධ පූජනීය ස්ථානයක් සේද වන්දනාමානනයට පත් ස්ථානයක්ව පැවතී ඇති බවට සාධක බොහෝය. කෙසේ වුද මෙහි අද පවා පැවැත්වෙන ආගමික කටයුතු වල විශේෂත්වය වන්නේ බෞද්ධ හා හින්දු සම්ප්‍රදායේ මිශ්‍රණයක ලක්ෂණ තිබීමය. '''එය අපූරු ආගමික සහයෝගීතාවක්ද පිළිබිඹු කරයි'''. බෞද්ධ සැදැහැවතුන් සියලු දෙනාම දේවාලය ද වන්දනා කර දෙවියන්ට පින් දෙන අතර දේවාල වතාවත්වල යෙදෙන සියලු දෙනාම චෛත්‍යය බෝධීන් වහන්සේ හා විහාරගෙය වන්දනාකර බුදුන්ට මුල්තැන දී දේවාල වතාවත්වල නිරත වෙති. දෙවියන් ඉදිරියේ යාතිකා කරන කපුමහතා ද පන්සිල් ගෙන බුදුන් වඳිමින් කරණීයමෙත්ත සූත්‍රය සජ්ඣායනාකර දෙවියන්ට පින් දී '''දේව යාතිකා''' කරන බව අදත් දක්නට හැකි ලක්ෂයකි. කතරගම දෙවියන් ශාසනාරක්ෂක වරම් ලැබූ මහේශාඛ්‍ය දෙවියන් සේ බුද්ධාගම රැකගනිමින් බෞද්ධ වූ තමන්වද රැකගන්නා බව බැත්මත්තු විශ්වාස කරති. එහෙයින් නිතර පින් කර දෙවියන්ට පින් අනුමෝදන් කරවිය යුතු බව අදහති. මේ සඳහා දේවාල මළුව තුළ ස්ථාපනය කර ඇති චෛත්‍යරාජයාණන් වහන්සේ ඇතුළු ත්‍රිවිධ පූජාවස්තූන්ට කිරි ආහාර පූජාකිරීම උදය හා දහවල ද හවසට දැහැත් ගිලන්පස ද ත්‍රිවිධ බෝධීන් උදෙසාම පූජා කිරීම සාමාන්‍ය දෛනික පිළිවෙත විය.