C හා C++ සිංහලෙන්/C සඳහා සයවන උදාහරණය

මේ වෙනකොට අපි Escape Characters වලට අයත් වෙන දේවල් 3ක් දන්නවා. ඒවා තමයි අළුත් පේලියකට යවන "\n", යම්කිසි දුරක් ඈත් කරන "\t" හා ආපස්සට එක අකුරක් මකන "\b". මතක තබා ගන්න අවශ්‍ය නම් මේවා එකක් වෙනුවට දෙක තුනක් වුවත් යෙදිය හැකියි. උදාහරණ වශයෙන් printf("Hello\n\nWorld"); යනු නිවැරදි නියෝගයක්.


දැන් අපි තවත් Escape Characters 3 ක් ඉගෙන ගන්නයි යන්නෙ. බැරි වෙලාවත් ඔබට Single Quotation ('), Double Quotation (") හෝ Back Slash (\) යන සලකුණුවලින් එකක් හෝ පාවිච්චි කිරීමට අවශ්‍ය වුවහොත් ඒ ලකුණ තනිවම යොදන්න බැහැ. එය \ සමඟ යෙඩිය යුතුයි.


අපි මෙය උදාහරණයක් හරහා තේරුම් ගනිමු. හිතන්න අපට පහත දැක්වෙන දේ තිරයේ පෙන්විය යුතු යැයි කියා.


Nimal said "What is your address ?" Kamal answered '125\A, Perera mw, Walpola'


මෙහි පළමු පේලියේ Double Quotation එකක් ද දෙවන පේලියේ Single Quotation එකක් හා BackSlash එකක් ද ඇත. අපි මෙය තිරයේ දැක්වීමට C Program එකක් ලියමු.



#include<stdio.h>

void main()  {
    printf("Nimal said");
    printf("\"What is your address ?\"");
    printf("Kamal answered");
    printf("\'125\\A, Perera Mawatha, Walpola\'");   }


මෙම Program එක Test6.c නමින් යම් තැනක Save කරන්න. ඉන්පසු gcc Test6.c -o Answer යන්න Command Window එකෙහි ටයිප් කර Enter කිරීමෙන් එය Compile කරන්න. ඉන්පසු ./Answer යන්න ටයිප් කර Enter කිරීමෙන් එය Run කරන්න. ඔබට අවශ්‍ය ප්‍රතිඵලය ලැබේවි.


C සඳහා පස්වන උදාහරණය · භාවිත