මන්දාරම් පුර පුවත-මන්දාරම් පුර පුවත x
සිව්වැනි අදියර
සංස්කරණය 672 ලක්සිරි වැණුම් කළ මන්දාරම්පු වත
අදියර තෙවන යුගබාගයැ කර ස මත
කිත්සිරිරාජසිහ නරනිඳු බඳ නැ වැත
විස්තර කෙරෙම් මතු මන්දාරම් පු වත
673 කිත්සිරි රාජසිහ නරනිඳුහු සිරි මත
පත්වන සියම් මහසඟ මැති දැන පු වත
සත්දෙන ඇමති පත්කර ලක්දිව ස මත
සක් පුර සදිසි කොට සැරසු පුර නි යත
674 ලක්දිව එසිරිසර සැලසු සුරු සමත
සත් පල ඇමතියන් සහ සැරසුම් ම හත
සිත් තොස වඩනු වස් මතු ලක්දන නි යත
විස්තර කියම් මතු මන්දිරම් පු වත
675 මඩුගල්ලේ රජපස දුම්බර මැතිය
වලස්මුල්ලෙ සෙනරත් දම්රජ පඬිය
පුවක්ගොල්ලෙ වීරසුරි මතුරට මැතිය
සමත් මුල්ලෙගම එකනායක මැතිය
676 උඩගම දිසානායක සඟුරන් කෙතය
දෙහිගම නවරත්න අතපත්තුවෙ මැතිය
එමලෙස අරාවේ හේවාහැට මැතිය
පණිවුඩ යෙදුන සැරසුම මේ සත් මැතිය
677 ති ර ස ර ඇමති නරනිඳු පණිවුඩය ගෙන
පි රි ව ර දන යොදා සෙංකඩපුර ද වෙන
ග ඟ තු ර ටැම් සඳා ගඟ දෙගොඩ සම ගින
සු ර පු ර සදිසි කළ ගම් අඩ සියලු තැන
678 ප ත ළ මෙතුන් ලක මහවැලිගංතොට
සොළොස් සොළොස් පෙළ ටැම් සිටුවා
ව හ ල සතින් යුත් සුරපායක් කළ
එසිය සොළොස් රියනින් නිමවා
දව ල වතින් සේසත මුදුනේ සැදු
රන්කොත් රන්මිණිදැල් ලෙළවා
වි පු ල විමන් යුගපසළොස් දෙපසේ
කුසුම් පහන් ගබඩා දුල්වා
679 නිමල විමන් තුළ දෙපය විසල්මඟ
යොවුන් දනන් පෙළ පෙළ වෙමිනා
ද ව ල කුසුම් ඉස මිණිවැට සේසත්
වල්විදුනා වැඩු දෙපස යෙනා
අ කු ල සොඬින් යුත් ඇත්පෙළ සිතුයම්
ඉරහඳතරු බැඳි උඩු වියනා
වි පු ල විමන් තුළ මහසෙන් සැරසී
රාව කරති තුති ගී නදිනා
680 වි ම න් කුසෙහි දජ පතාක කිංකිණි
රැළිපාලම් මුතුලැල් සොබනා
දෙගන් දෙරටු රඹ තොරණ ද පලවැළ
සුදිලේ පුන්කුඹු කලස යෙනා
ගඟින් එතෙර එමලෙස සත්පායක්
කරවා සත්තැන මන නදනා
දෙමින් රාව මිණිකිංකිණි රන්කොත්
පෙළින් දිලුණි ඒ සෑම තැනා
681 අ ත රි න් රන්පා උඩුවියනුත් බැඳ
අඩගව් මඟ දද බැඳ නො මිනා
සැ ම තැ න් සපු නා පුවක් තැඹිලි සහ
ඉද්ද සමන් මහනෙල් ම ලිනා
තු රු සු න් දෙපයේ පතළ වෙළඳසැල්
මංගල වීතිය කර රු විනා
සැ ම තැ න් මඟ සහ සිරිවඩනා පුර
අලකාපුර සිරි රැදි එ දිනා
682 නැ ණ ව ත් නිරිඳු කිත්සිරි රජසිහ ප වර
ම හ ව ත් නගර සරසා මෙලෙස දෙ වෙ හෙර
සු ර ක න් සදිසි සළුබරණින් සැදි සො ඳුර
සි රි ම ත් මෙහෙසි සහ රජමැදුර පිරි වර
683 සමගින දවල සළු ඈ බරණ මන හර
නෙකරට ඇමැති සෙන් නළුගණ සහ ප තර
පෙරමුණ පැමිණ සුරපා ඇතුළ ගං තෙර
පිළිගත් සියම් මහසඟ මෙලෙසින් එ වර
684 පෙරමුණ දවල සළු බරණින් සැදුණු දන
කුඩ කොඩි පහන්වැට පුන්කලස දර මින
සසොබන පලිහ මුතුකුඩ සේසත් රැ ගෙන
දෙපසින මග සැදී සුරැකිව වැඩම වන
685 යළි තලි නළා බෙර දවුලුත් තම් බෝරු
අලි ඇත් අසුන් පුදගත්ජන විය සීරු
යළි ගී නැටුම් නළු තෙදහස් පන් තේරු
පිළිබඹරු මහසෙන් පුද අත පෑරු
686 සුරරජ සදිසි කිත්සිරි රජසිහ රු වන
සිය පිරිවර සමග ඊළඟ වැඩම වන
කොඩිතුවක්කු ලේකම් ඈ දුර ද රන
තෙදහස් මැතිහු ඊළඟ විදි ලෙස ග මන
687 යළි දෙනුවර සිවුසියපත්තු මහ දන
මහකොඩි පෙරමුණට ගෙන ඊළඟ මන
රාවණකොඩිය සිහසුන් කොඩියද රැ ගෙන
හේවාහැට දුම්බර සෙන් විය ග මන
688 උඩපළාත තුම්පන සෙන් විදි ලෙසි න
නෙළුම්මල් කොඩිය පෙරමුණ කර ගම න
සිවු කෝරළේ ඉරහඳ කොඩිය ද රැ ගෙ න
මහසෙන් පෙළ සෑදී ඊළඟ විය ගම න
689 සිහරූ කොඩිය යළි පෙරමුණු නඟා ගෙ න
සත්කෝරළේ මහසෙන් ඊළඟ ගම න
සුදු පටකොඩිය පෙරමුණ රැගෙන මහ ද න
මාතලදිසාවේ ඊළඟ විය ගම න
690 සපරගමුදිසාවේ පටකොඩිය පෙර මු න
මහසෙන් පෙළ සැදි ඊළඟ විය ගම න
බේරුඞ කොඩිය සකසා පෙරමුණට ගෙ න
කෝරළතුනේ මහසෙන් ඊළඟ ගම න
691 මයුරාකොඩිය පෙරමුණ රැගත් වගප න
ඌව බදුලු අඩසඳ කොඩිය පෙරමු න
නුවරකලාවිය ඇත්රූ කොඩිය ගෙ න
නික්මුණු මෙලෙස ලකුණින් යුතුව මහ ද න
692 සිඳුදිය ගොඩ ගමනා- ලෙස සෙන්-සෙංකඩපුර වදිනා
නෙක පුදපඞුරු ගෙනා-සපැමිණ-තුන්ලක නෙකර ටිනා
පතළ සාදු නදිනා-ගොස කර-පැමිණි එ මහ සේනා
සෙංකඩ පුර එදිනා-තෙත් කළ-සතුටු කදුළු වලි
693 නන් විසිතුරු රුවිනා-සැරසු-වීදි පෙළින් යමිනා
විසල් මළුව මැදිනා-පිවිසි-මහ මළුවට ගොසිනා
ලක්දිව හෙරණ ගණා-සමගින-සියම් පුරෙහි සඟනා
සතපා පහසෙවණ- දුරුකර-ගිමන පසය දෙමිනා
694 විස්සම් මැවු ලෙසිනා-සැරසු-නන් විසිතුරු රුවිනා
පන්සල් පෙළ පැමිණ-මල්වතු-පොහොය මළුව සොබනා
නෙක සුමිහිරි පසිනා-සතපා-පින්සර මහ සඟනා
වෙස්සන්තර ලෙසිනා -නරනිඳු-පින් සිදුකළ එදිනා
695 සඟගන උපාලි හිමි ඈ වෙත පැහැ ඳා
සිවුපස පවර පිවිතුරු සියතින් ම පු ඳා
සිතුලෙස සඟන සතපා කල් යවන ස ඳා
දෙදහස දෙසිය සානු වස අපමුනි ඳා
696 ක කු ළු රැ ස පැමිණ සිටි දිනකර පව ර
ඇ ස ළ ම ස තුදුස නිති පැමිණි කිවි පු ර
ස ව ස ප ස රැගෙන මැති සමග පෙර හ ර
නි රි ඳු තොස පිවිසි වෙත මල්වතු වෙහෙ ර
697 පි වි තු රු පසය සියතින් මහ සඟන පු ඳා
ගු ණ ස රු උපාලී පාමොක් මහතෙරි ඳා
වි සි තු රු වටාපත පිළිගන්වා නැම ඳා
අ ම යු රු උපසපන කරනුව අයැදි ස ඳා
698 සකසා ගාමසීමා මල්වතු වෙහෙ ර
නොලසා සියම්දෙස සිට පැමිණි ලක් පු ර
අතැවැසි උපාලි හිමි හෙරණ වත්ස ර
පවරා උපසපන් දුන එදින මුල් ක ර
699 සිරිලක නො ම පැවති බෝකල් උපසප න
කැලුමෙන සුබ පහන යළි දැල්වු බැවි න
සියනෙත දහර වගුරා රජ ඇමති ද න
අදරින නොයෙක උස්සව කෙළි විඳි එදි න
700 පසුදින සියම්දෙස මහසඟන සමඟි න
ලක්දිව හෙරණ සහ රජ මහ ඇමති ය න
මල්වතු වෙහෙර සපැමිණ රටවැසි නො‍මි න
නියමින උපසපන් විදි සැලසු මෙලෙසි න
701 අවිසුන මහවෙහෙර තෙරවර පරපුරෙ න
මල්වතු වෙහෙර නායක දුරය උසුල න
පාමෙක් හෙරණ කොබ්බැකඩුවේ නද න
සකසා පළමු කරවිය එහි උපසප න
702 අස්ගිරි වෙහෙර නායක දුරය සමගි න
පෙළදම් නිපුණ ගුණපාමොක් හෙරණ ව න
නාවින්නේ දම්දැසි මුනිපුත් රුව න
සකසා දෙවෙනි වර දුන් ගරු උපසප න
703 පෙළදම් සතසතර පස් බස සමග වෙ න
මනරම් දුන සීල ගුණබරණින් දිලෙ න
ගුණතුම් හෙරණ වැලිවිට යසගොස රඳ න
නොලසින් යෙදු කරනුව යළි උපසප න
704 දම්දැරු හුළංගමුවේ සිල්වත් හෙර ණ
බඹරදෙණියෙ දුන ඈ ගුණ යුත් හෙර ණ
පෙළදම් නිපුණ තිබ්බොටුවාවේ හෙර ණ
මෙලෙසින් උපසපන කළ එදින ම කළ ණ
705 කුකුළුරැස තෙවන පුණුපෝ ඇසළ ම ස
මල්වතු වෙහෙර ගම්සීමා තුළ පිවි ස
සියම්දෙස එකුන්විසි සඟන අත් ප ස
නොහළ ඇදුරු පරපුර හෙරණුන් මෙලෙ ස
706 සරණ සිල් සමග දසසිල් දී විදි සේ
දෙවු සඳ උපසපන මහසෙන් හිඳ දෙප සේ
වෙඩි සක් නළා බෙර ඈ පතළ විය ගො සේ
පුද පෙරහර සමග ආදර කළ සතො සේ
මෙතෙකින් මන්දාරම් පුර පුවත දෙවැනි භාගයේ
සිව්වැනි අදියර නිමි.