"උග්ගල් අලුත්නුවර" හි සංශෝධන අතර වෙනස්කම්

===පටුන===
 
 
*'''ආරම්භය'''
:* [[/පෙරවදන/]]
:* [[/හැඳින්වීම/]]
 
 
== '''පෙරවදන''' ==
ශ්‍රී ලංකාවේ සබරගමුව පළාතේ ඉඹුල්පේ ප්‍රාද්ශිය ලේකම් කොට්ඨාසයේ පිහිටි '''උග්ගල් අලුත්නුවර''' හෙවත් ඇතැම්විට '''බළන්ගොඩ අලුත්නුවර''' ලෙසින් හැඳින් වෙන මේ ප්‍රදේශයට සමහර විටෙක '''අළුත්නුවර''' නම ලියවෙද්දී "'''ලු'''" වෙනුවට "'''ළු'''" යන්න ද භාවිත වෙයි. දේවාලයට සිමාවූ දේවාලගම '''"උග්ගල්"''' අත හැර '''අලුත්නුවර දේවාලගම''' ලෙස ද භාවිතවෙයි. මේ ව්‍යවහාරය ඇසුරෙන් ග්‍රාමසේවක වසම නම්කර ඇත්තේද '''අලුත්නුවර''' වශයෙන් පමණි. ගම්මානයේ සමාජ දේහය හැඩගැන්වෙන්නේ මහා සංස්කෘතියටම බද්ධ වූ එය පෝෂණය කරමින් එයින් පෝෂණය වෙමින් ඇති උප සංස්කෘතයක් වශයෙනි. එය අතිශය සුවිශේෂ වූවකි. එක් පොතක් නොව පොත් ගණනාවක් ලිවීමට තරම් වැදගත් වෙයි. මධ්‍යකාලීන ශ්‍රී ලංකාවේ පැවති වනාන්තරයක් තුළ අලුතෙන්ම ඉදි කළ '''දේවාල ගමක්''' ලෙස සැලකෙන උග්ගල් අලුත්නුවර ගමේ සමාජ සංස්කෘතික උරුමය පිළිබඳ, එහි වටා පිටාව පිලිබඳ "පොතක් ලියන්න" යන යෝජනාව මෙම ලේඛකයාට ඉදිරිපත් වූයේ 1990 ගණන්වල සිටය. විටෙක එය බල කිරීමක් බඳුවිය. මේ සදහා ප්‍රයෝජනවත් වනු පිණිසම බව සඳහන් කරමින් 1990 දශකයේ සිටි බස්නායක නිළමේතුමා වන හරිශ්චන්ද්‍ර තෙන්නකෝන් මහත්මාණන් හා එතුමාගේ ලේකම්වරයා වූ ප්‍රේමරත්න මහත්මා ලේඛකයාට අවැසි මූලාශ්‍ර සපයා දීමේ ලා මහත් වෙහෙසක් ගත්හ. හරිශචන්ද්‍ර තොන්නකෝන් නිළමේතුමාණෝ සිය කැමරාව පවා ලේඛකයාටම පවරා දුන්හ. එකල දේවාලයේ කපු නිළමේ වරයාකු වූ මංගලනාත බ්‍රාහ්මණගේ භාරතරත්න බණ්ඩාර මහත්මා සිය මතකයේ ඇති දේ කියා දෙමින් සිය මුත්තා කෙනෙකු නිර්මාණය කළ කාව්‍ය සංග්‍රහයක්ද ඉදිරිපත් කළේය. 1930 ගණන්වල සිට සිය වාරයන්හි දේවාලයේ ප්‍රධාන නිළය වූ අත්තනායක මෙහොට්ටාල නිළය හොබවමින් සහ 2004 දිවිමගෙන් සමුගන්නා තුරුම අතපත්තුමොහොට්ටාල නිලය ද කරමින් සිටි, මේ දේවාල සම්ප්‍රදාය වෙනුවෙන්ම සිය දිවිය කැප කළාවූද, සිරිත් සම්ප්‍රදායේ යම් අඩුවක් ඇතිවෙතොත් විටක ඉතා රළු ස්වරූපයකින් පෙන්වා දීමට ඉදිරිපත් වූ ඒ.එම්.එස්.එම්. පුංචිබණ්ඩාර මහත්මා සතුව තිබූ ආවේනික සම්ප්‍රදායය ගැන අත්දැකීමෙන් ලත් දැනුම අමිල එකකි. පොතක් ලියන ලෙස කියමින් යම්යම් දෑ බලහත්කාරයෙන් මෙන් කියාදුන් අවස්ථාවන්ද වූ බව ලේඛකයා සිහි කරන්නේ මහත් කෘතඥතාවෙන් යුතුවය. 1990 ගණන්වල කටයුතු කළ අත්තනායක නිළමේවරයා වූ ඒ.එම්.එස්.එම්. කුලසේකර බණ්ඩාර මහත්මා සේම සෙසු රාජකාරි මණ්ඩලයේ අය ද දැනට සිටින අයද මහත් සේ සිය සහාය හැමවිටම ලබා දෙති. වචනයෙන් හෝ දිරිගන්වති. ඒ.එම්.එස්.එම්.කරණාරත්න බණ්ඩාර යනු දැනටත් සිටින අත්දැකීම්වලින් පොහොසත් තම වාරයේ අත්තනායක නිළය හෙබවූ වයොවෘද්ධම තැනැත්තාය. එතුමා විස්තර කියා දෙමින් සිය පරම්පරාව සතු වූ දේවාල පුරාණ ලේකම් මිටියේ ලියවිල්ලක අත්පිටපතක් ද ලබා දුනි. 1998 සිට සංරක්ෂණය විය යුතු පුරාවස්තුවක් වශයෙන් දේවාල පරිශ්‍රය පුරාවිද්‍යා දෙපාර්තමේන්තුව මගින් ගැසට් කර ඇත. එතැන් සිට බොහෝ දෑ සංරක්ෂිතය. ඒ දක්වා සිදුවූ වෙනස්කම් නිසා මෙහි විස්තර සටහන් කරන ඇතැම් ස්ථාන කීපයක් නිරායාසයෙන් දැකිය නොහැකිය. උදාහරණ වශයෙන්

සංස්කරණ

1,194

ක්

"https://si.wikibooks.org/wiki/විශේෂ:MobileDiff/7866" වෙතින් සම්ප්‍රවේශනය කෙරිණි